सरपंच हा ग्रामपंचायतीचा प्रमुख प्रतिनिधी असून, गावाच्या सर्वांगीण विकासासाठी जबाबदार असतो. त्याचे कार्य गावातील नागरिकांसाठी पारदर्शक, कार्यक्षम व जलद प्रशासन सुनिश्चित करणे आहे.
उत्तूरला विद्यमान उच्चशिक्षित सरपंच म्हणून श्री. किरण आमणगी यांचा लाभ झाला आहे. ज्येष्ठ नेत्यांच्या मार्गदर्शनाखाली त्यांनी गावाच्या विकासाचा संकल्प करून कार्यास सुरुवात केली आहे.
अलीकडेच ११ वर्षांनी झालेल्या महालक्ष्मी यात्रेची मोठी जबाबदारी त्यांनी आपल्या सहकाऱ्यांच्या मदतीने यशस्वीरीत्या पार पाडली आहे. तसेच आठवड्यातून ‘एक दिवस गावासाठी’ हा उपक्रम सुरू करून त्या दिवशी गावाची स्वच्छता सर्वांनी स्वयंप्रेरणेने करण्याचे आवाहन केले आहे, ज्याला नागरिकांचा उत्स्फूर्त प्रतिसाद मिळत आहे.
भविष्यात तरुण खेळाडूंना सरावासाठी मैदानाची उपलब्धता, गावात सांस्कृतिक सभागृह, स्पर्धा परीक्षा मार्गदर्शन केंद्र आदी सोयी निर्माण व्हाव्यात यासाठी ते प्रयत्नशील आहेत. तसेच प्रस्तावित सुसज्ज व भव्य बसस्थानक लवकरात लवकर उभे राहावे यासाठी ते सातत्याने पाठपुरावा करीत आहेत.
मुख्य जबाबदाऱ्या
- ग्रामसभा संचालन: ग्रामसभेचे आयोजन व अध्यक्षता करणे.
- स्थानीय विकास पर्यवेक्षण: रस्ते, पुल, सार्वजनिक सुविधा व इतर विकासकार्याचे देखरेख करणे.
- योजना अंमलबजावणी: केंद्र व राज्य शासनाच्या योजनांचे गावात प्रभावी अंमलबजावणी करणे.
- सामाजिक समन्वय: गावातील शैक्षणिक, आरोग्य व सामाजिक उपक्रमांचे समन्वय साधणे.
- आर्थिक पारदर्शकता: ग्रामपंचायतीच्या निधी व बजेटचा योग्य वापर सुनिश्चित करणे.
महत्त्वाची कामगिरी (गेल्या कार्यकाळातून)
- गावातील रस्त्यांचे दुरुस्ती व नूतनीकरण
- शुद्ध पिण्याच्या पाण्याची योजना अंमलात आणणे
- शाळा व आरोग्य सुविधा मजबूत करणे
- सार्वजनिक स्वच्छता व कचरा व्यवस्थापन सुधारणे
- महिला व युवक सक्षमीकरणासाठी उपक्रम राबवणे
- ग्रामातील विकास निधीचे पारदर्शक व्यवस्थापन